Chord progression:
Em – A – Dmaj7 – Eb dim
G – A – Dmaj7 – Eb dim
Wo-ho (x2) – Wo-ho-ho (x2)
Lor sa larout la pli en pli ki mo pe etidie
Weh pli en pli mo pa le kwar
Avek lom so mentalite
Sa donn mwa plis lenvi pran lekar
Mo ti atan ki tou pu sanze
Buku banane monn garde lespwar
Zis ki nu pa ti attan
Sa kantite mentalite nwar
Zame mo pu blie dan koulwar
Laksyon res dan memwar
Dan enn grup ki mo ti kwar
Fer renyon pu mett mwa apar
Non mo pa le kwar
Dan mo life monn konn buku minn
Ki ti dir mwa mo mem zot king
Apre monn senti mwa viktim
Parfwa dan lavi mo prefer viv
Solo, right, solo – prefer viv soliter, selibater
Pa fasil pu mo redonn mo leker (x2)
Kamaradri konsider kuma fami
Tousa monn seye mo finn desi
Ban san zabri amen lakaz kuma fami
Tousa monn seye mo finn desi
Bann kinn pran mwa tou le temp pu enn imbesil
Sa inn form parti dan mo veki
Aster zot apros mwa avek gro gro sourir
Mo pe truv zot mari redikil
Bizin priden kan to rent dan enn relasyon
Bien souvan sa fini par desepsyon
Devan mwa to dir mwa to mari kontan mwa
Deryer mwa to p dir tou le kontrer
Devan mwa to amen rol to mo sover
Deryer mwa tomem p kre mo maler
Istop lipokrizi aret bouf lenerzi
Sa ban lespri la kinn fer mwa prefer viv
Solo, right, solo – prefer viv soliter, selibater
Pa fasil pu mo redonn mo leker (x2)
Mo prefer viv tousel la
Dan sa lavi la monn gagne ban mari komba
Sa inn donn mwa lanvi ramase mo likou wa
Sa inn donn mwa lanvi rase ramasse tou jak
Monn kass tete ar rode relasyon serye
Ki li dan lamour ou lamitie
Sa nu p bizin bann dimoune ki sinser
Bizin vinn ar sinserite
Monn malsans dan sa kote mo prefer viv
Zis mwa ek mo bondie
Mwa ek mo lamizik
Zis mwa ek mo bondie
Mwa ek mo lamizik
Zis mwa ek mo bondie
Mwa wk mo lamizik
Zis mwa ek mo bondie
Entre imin mo
Solo, right, solo – prefer viv soliter, selibater
Pa fasil pu mo redonn mo leker (x2)
Yo – Less mo fer twa kone ki nu ankor la
Pa degout tou rass imin pa tou ki parey
Mo kone dan lavi ena enn ta hipo
Pa bizin to ferm lizie ena seki bon
Pran enn letemp get par deryer
Komie ena leker sinser
Na pa bizin zet sa sintir
Ena ankor bon to pu dekuver
Pran enn lexzemp lor ban solda ki tonn kre tonn leve weh zot tou zot ankor la
Se pur sa azordi zur mo vinn dir twa pa bizin bess lebra pa bizin zett sa komba
Pa bizin to bess lebra
Pa bizin zet sa komba
Ena ankor bon to pu re zwen
Lor to larout to pu truve
